ثلاثين نكته ونكته

-عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.
2-مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم.
3-حد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي.
4-واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم.
5-مره فى ثلاثه بنات ماشيين فى الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان ماشى وراهم وسمعهم ام راح يسلم عليهم ويقول انا العميد يونج يانج الشهير بابو تريكا.
6-مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز كلبة ومتجوزكيش! التانية راحت قايلة: هوهو.
7-مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم.
8-مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة.
9-واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه.
10-مرة اثنين واحد رزل والتانى تنح الاول قال للتانى علمنى الرزاله قاله اوكى اتصل برقم قال الحاج حسن موجود قاله لا راح اتصل تانى وقال الحاج حسن موجود قاله لا راح الاول قال لتانى انا علمتك الرزاله علمنى التناحة راح اتصل بنفس النمرة وقال انا الحاج حسن محدش سأل عليا.
11-مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله :الله يخرب بيتك بوظت الكمين.
12-مرة دبانة سقطت فى كاس خمرة طلعت تقول وسع للنسر.
13-حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا.
14-واحد ماشى ورا وحدة قالها الحلوة وراها مشوار قالتلة لا وراها حمار.
15-مرة واحد بلطجي حب يتروشن كتب علي الشومة اديداس.
16-مرة واحد كل لما يعدى من شارع يشوف واحد بيشرب سجارتين فساله مره ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله اصل انا بطلت.
17-مره اتنين في اخر الخدمه في الجيش .... الظابط: بيسأل الاول عندك كام سنه 30 يا بيه قعدت كام سنه في الجيش 3 يا بيه معاك شهاده حسن سير و سلوك ... الاتنين يا بيه خرج و قال لصحبه الاجابات 30 /3 الاتنين يابيه الظابط يسأل التاني : قعدت كام سنه في الجيش 30 عندك كام سنه 3 الظابط : مهو حاجه من الاتنين يا انت مجنون يا انا مجنون الاتنين يا بيه.
18-واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع.
19-عريس بيقول لعروستة لازم تعرفي ان كلمتي في البيت زي الساعه بصتله بنظرت غضب...قالها يعني لا بتقدم ولا بتأخر.
20-مرة واحدغبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل.
21-لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ماكانتش بتشجعك وبعدين كلهم بقو يشجعوك!!!؟
22-مرة ولد صغير راح لامة قالها ماما ..ماما انا شفت الواد اللى فوقينا بيبوس البت اللى تحتينا قالتلة ملكش دعوة يا حبيبى دول بيحبو بعض وهيتجوز قالها الولد يعنى افهم من كدة ان اى اتنين بيبوسو بعض يبقو هيتجوزو بعض قالتلة اه يا حبيبى الولد قالها طب بابا هيتجوز الشغالة امتى؟؟.
23-مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي.
24-كان فى مرة اثنين رجالة مشين فى الشارع فشافو واحدة ماشية بتعيط علي جوزها فقام رايح واحد من الرجالة بيقول للتانى ايه رأيك بقى ان الست دى بتمثل قاله ازاى ياعم منتاش شيفها ماشية بتعيط على جوزها طب استنا وانا هوريك فراح جمبها وقل اه بس ياقمر لو تقولى انت ساكن فين وانا هنسيك كل الى شفتة فقالت اه ه ه ه ه ياحبيبى ياجوزى يلى كنت مسكنى فى المهندسين عمارة20 شقة 14.
25-واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين".
26-واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!".
27-مدرس رياضه اتجوز مدرسة رياضه خلفو ولد شبه منحرف وبنت دايره على حل شعرها.
28-واحده وحشه بتقول لجوزها بكره عيد ميلادى . قالها هنقف دقيقتين حداد.
29-مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط دماغة فى الحيطة قالها وده ماله قالتله اصل ده الى اتجوزها.
30-مره واحد مراته ماتت فماشى فى العزا عمال يضحك فواحد بيسأله بتضحك على ايه قاله أول مره أعرف هى رايحه فين.