صباح الخير....عايز صنف حشيش

نفسي في صنف حشيش
ينمل الدملغ وينضف النخاشيش
علشان انسى طابور العيش
واخش في الغيبوبة وانسى مشكلة الانبوبة
وانسى ان بلدنا منهوبة
وانسى اللي بيجهزه علشان يبقى رئيس للمخروبة
وابقى مسطول
وانسى اي مسؤول
من اللي سابوا الناس في السيول
وانسى ان نظيف اتجوز وبقى بيعول
وانسى مجلس الشعب وفتحي سرور
وانسى البرادعي وايمن نور
وانسى شوبير ومرتضى منصور
وانسى تعديل الدستور
وانسى اللي ساكنين في القبور
وانسى انفلونزا الطيور
وانسى مشاريعنا الفاشلة
في توشكى وابو طرطور
واخش في الأستهبال
وانسى علاء وجمال
وانسى التوريث
والنيل اللي نازلين فيه تلويث
وانسى ان منتخبنا كويس زي ماقال الريس
وتنسى تصدير الغاز
واحنا عندنا ازمة بوتجاز
وانسى الأضهاد واللي بيحصل للاقباط
وانسى قطر العياط
وانسى قطر الصعيد
وانسى احمد عز واحتكار الحديد
وانسى زحمة الموصلات
وانسة الأنتخابات
زانسى فتاوى الفضائيات
وانسى العشوائيات
وانسى فشل التعليم
وانسى هشام طلعت وسوزان تميم
وانسى المعارضة وانسى الأحزاب
وانسى تامر حسني وعمرو دياب
وانسى اوربا وامريكا والصين
المتقدمين علينا بسنين
وانسى البيت بيتك وتامر امين
وانسى ان كيلو اللحمة بقى بتمانين
وانسى اننا في الزبالة غرقانين
وانسى المادة ستة وسبعين
وانسى فريق الساجدين
وانسى الزمالك والأهلي
وانسى أليسا وهيفاء وهبي
وانسى الفول والطعمية
وجامعة الدول العربية
والجماهيرية الليبية
والكفيل في السعودية
وانسى بطرس غالي والضريبة العقارية
وانسى فتح وانسى حماس
وانسى هنية ومحمود عباس
وانسى ماما سوزان
وانسى الأخوان
وانسى كل واحد بيعتدي على كنيسة
بيطلعوه مجنون
وانسى كل ممثلة حيزبون
بتاخد في المسلسل كام مليون
وانسى ايامنا السودة
واحضان طنطاوي والبابا شنوده
وعلشان اعرف ان الصنف كويس
لازم ارشح نفسي وابقى الريس....

هي طويلة بس حلوة ياريت تقرؤها

مين الراجل الي عايز يفقد الذاكره ده يا عم