دمي اتحرق

من طرف **الريس** الإثنين يونيو 01, 2009 9:10 pm

دمي انحرق

..........
دمي انحرق .. داب وانفلق
من ظلم دنيا كبير
بنار الالم .. قلبي انظلم
وخدت ياما كتير

سامحوني ياللي فيكوا بدوب
مابقولش غير قدر مكتوب
حبيتكوا ياما .. وسهرت ياما
و م الفراق ببات مغلوب

د انتوا بعيد عني وغايبين
وانا دايب في النار وحزين
بشيل ف قلبي واقول بسكوت
ولو هاتعدي عليا سنين

تعبت من شر الحرمان
لا رسيت على خير ولا بر امان
داريت ف قلبي وقلت يا ريت
اتحمل كل الاحزان

يا ريتكوا تيجوا تشوفوا انا فين
صابتني ميت اسوة وميت عين
لا حب نافع .. ولا ظلم نافع
ولا عارف رايح على فين

هلاقي فين انا بس قلوب
مايكونش فيها الخير ملعوب
بلف يمين .. وبلف شمال
بقيت من شر الخير مرعوب

دنا دمي انحرق .. داب وانفلق
من ظلم دنيا كبير
بنار الالم .. قلبي انظلم
وخدت ياما كتير